hijr kay mausam main ye barish ka barasna kaisa !
aik sehra say samandar ka guzarna kaisa ?
aey meray dil na paraishan ho 'tanha ho kar!
wo teray saath chala kab tha 'bicharna kaisa?
Jab shajar saath na de 'haar samajh bethay to !
zard patton ka hawaon say ulajhna kaisa ?
chal muhabbat kay samandar main utar jatay hain !
pyar karna hai to phir maut say darna kaisa ?
Bewafa kehnay ki bhi jurat na karna ae dil !
us nay iqraar kia kab tha mukarna kaisa ?
No comments:
Post a Comment